في ناس بتحرك فيك الحلم يللي كنت ناوي من الأصل تنيمو لوقتا يجي وقتو ليوعا...
بتوعّي الحلم أبكر شوي...أسرع شوي وأحلى بكتير من ما كنت تحلم إنو يكون...
في ناس بتحركش بالحلم ...بتزكزكو...بتخلي "يرجع عراسي رغم العيل والناس" لأنه هالناس هي بالأصل الأساس...
في ناس بتحب تغنج هالحلم...ما تتعبو...تخلي نايم...ما تهز شي في...تتركو عراحتو...يوعا ساعة يللي بدو...ويحلم عرواق...
وناس بتدفش هالحلم...تينطّ...يتحرك...يخبّر قدي الأحلام بتفقد قيمتا وقتا تنترك للوقت...للذاكرة وللإيجار...عكس النبيذ..تمامًا
وفي ناس بتعيد صياغة الحلم حسب أحلاما...حسب أفكارا...
وناس يتعملو إعادة تأهيل...إعادة ترميم...قبل ما يهبط عا راسي...
وفي ناس...هي الحلم...بحد ذاتو...هي ذات الحلم يللي صرلي سنين مخبيتو بقلبي...
No comments:
Post a Comment