ألوان حلم..أو
أحلام...فرشتا ببيتنا الجديد...
أحلام بضل منتبها عليا ما
يصرلا شي...بشيل غبرتا...بمسحا وبخلي محلا ...جديد....محل للوقت...
في أحلام قد ما تبرم وتتغير
إنت، بتضل تذكرك إنو بعدك إنت....نفس الأنت يللي فبركتا بليلة صيف...
بتفكر أنو رح تتغير مع
تغييرك...بس بآخر النهار إنت وعم تهتم فيا...بتطلع غلطان كتير...
في أحلام قد ما تغيرت إنت
لا بتّش ولا بتدوب ولا بتتحول ولا بتتبخر....
بتضل ناطرة....
ناطرة تتحقق...
ناطرة تلونا من جديد وتفرش
سماك فيا...
في أحلام غير عن باقي
الأحلام...وفية...ما بتقل...ما بتنفصم...ما بتتجزأ...ما بترضى تنتسى...
في أحلام...بتضل تذكرك
إنو...الحلم مش ممنوع.....
