ملاحظات على حافة الوقت

يمكن من أحلى أحاسيس النطرة هي نطرة حلم يفاجئك، ينأزك وتحس من بعدا إنو النطرة حرزانة كانت...
يمكن قلبي بعدو معلّق بالمناطق...
يمكن في كتير ناس بحياتي بتجمعني فيون الموسيقى أكتر من أي شي تاني...
يمكن تأعرف قيمة الوقت لازم كل يوم إسألك شو بتتمنى وتقلي: 5 ساعات زيادة عنهاري...
يمكن فرق الوقت يللي بيني وبينك بخليني حس بسرعة وغرابة ووقحنة هالوقت...
يمكن قد ما بحنلك وبشتقلك بضل خايفة هالحنين ينعطب، ينجرح ويكبر بالعمر...
يمكن إنت بتخليني إكتب أكتر من الشتي...
يمكن الشتي بجونية أحلي من شتي بيروت وشتي جبيل أحلى منون كلن...