عن تقنين الأحلام

مرة التقيت بشخص بقنّن أحلامه...ما بعرف إذا كلمة تقنين هي الكلمة الصح ليللي بيعملو... ووقتا قلي ما تقسطي أحلامك يا إيليت قننيون...

أحلام الشتي خليا للشتي...وأحلام الصيف تلذذي فيا...برمجيا...وتصرفي فيا شوي وشوي...هيدي الأحلام غالية...أحلام الصيف...

أحلام الصيف دايما دايما إلها طعم غير...طعم أحلام صرلا زمان ناطرة تتحقق...صرلا زمان ناطرة الصيف...فيا لذة النطرة...وإنت أشطر مني بالنطرة...

أحلام الصيف بتكبر عكبر الصيف...بتبلش صغيرة أول الصيف وبتكبر بآخرو...

أحلام الصيف بتحسسك إنو كل نطرة الشتي ما راحت عالفاضي...

أحلام الصيف هي المفضلة على قلبي...ةعلى قلبك...

شو حلمتي هالصيفية؟

حلمت ضل إحلم على طول...

ما في أبشع من إنو إنك تفقد القدرة على الحلم... ما في أبشع منا...