يمكن البحر اليوم حمل أكتر ما ممكن يحمل... حمل أسرار وأحاسيس ومشاريع ما بلّشت تتخلص... يمكن البحر اليوم مخبّا أكتر من كل يوم أحلام وطموح تشّت عالميّ وطافت ووصلت عالشطّ. شو مخبّا قللي؟ شو قالولك قللي؟ وين راحوا؟ شو حسّوا؟ شو حمّلوك؟ ردّون...طلّعون من جوّاتك...ردّون ليللي ناطريناك تروق... روق وردّون... ليللي ناطرين الخبر...خبر من ورا البحر...خبر عن حبيب وولد وأب وإم وجدّ وخطيب وزوج وحبيبة... ملحك مالح يا بحر...موجك عالي يا بحر... عللي وردّون يا بحر... خللي الحبيب يرجع لحبه والولد لأهله والأب لولاده والإم لعائلتها والجد لأحفاده والخطيب لمشروع زواجه والزوجة لمشروع عندا تكفّيه... وللحلم تيضل ينبض وينبض ويفرّخ أحلام فوق الموج وفوق البحر ويحمل معه كل هالأحلام يللي غرقت يوم غرقوا أصحابها.
