يمكن إذا في شي مشترك بينتنا هو قدرتنا على الحلم... أو حتى الحلم بحد ذاته... فكرة الحلم يمكن تختلف بين كل واحد منا... حلم الوطن، حلم العائلة، حلم الشهرة أو حتى حلم بحب مستحيل... وفي كمان أحلام للإيجار..أحلام للبيع أو حتى للإستيراد.. أحلام عم تزورب بشوارع بيروت ، عالروشة، وبالحمرا أحلام عم تكبر على شط جبيل و بأسواق طرابلس والمينا بضيعات الجنوب والشمال بين بيوت القرميد والقلعات الأثرية..... أحلام للإيجار يللي بتثور على ضياع الوقت وبتغتاله كرمال تنفض عنه غبرة الماضي وتعمل منه ذكرى ...ذاكرة الماضي... وفي أحلام للبيع...منزهق منا عكترة ما منفكر فيا..وكيف ننفذها...بتتعبنا...فمنقرر نتركها..أو نبيعها لناس بعد ما أتقنو فن الحلم والثورة عالحلم... بس يمكن أكتر حلم واقعي...هو حلم النسيان...كلنا منحلمه ومنتمناه...تخيل إنو كل شي حابب تنسي يروح؟ يضيع مع الوقت؟ حتى الوقت؟
No comments:
Post a Comment